المسقعة مشهورة في كل بلاد الشام وبمصر

بسم الله الرحمن الرحيم

السلام عليكم ورحمة الله وبركاته


اليوم عملتلكو مسقعة



وهاي المسقعة مشهورة في كل بلاد الشام وبمصر كمان

بس الحق يقال هاي الاكلة يا جماعة اصلها يوناني وتركي
وبعدين انتقلت للشرق الاوسط عنا وباليونان بحطو عليها بندورة ولحمة وبصل نفس الشي يعني.........بس في صلصة بيضا (البشاميل) وعلى الوجه رشة جبنة وبقدمو جنبها صلة لبن وخيار وباليوناني اسمه تزاتزيكي...........حتى اللبن والخيار طلع يوناني

وفي العالم العربي المسقعة تؤكل باردة ..........وفعلا طعمها بارد ازكى من وهي سخنة
وفي نسخة تانية من المسقعة بس مع بطاطا وهي في دول البلقان بلغاريا ورمانيا

وبفلسطين في ناس بعملوها مع حمص بدل اللحمة

برمنا كتير

هلاء ندخل على المطبخ

نقلي الباذنجان بشكل طبيعي

نحضر اللحمة
بصلة مفرومة ونحمرها وبعدين لحمة كفته ونقليهم لحتى تنشف ميتهم وندير عليهم الملح والفلفل والبهار
والبطة سمسمة خلت صوص البيندورة اخر شي انما ضفت البندورة مع اللحمة وخليتهم يغلو اشوية

وبصينية البايركس
طبقة صلصة وطبقة باتنجان



وبعدين طبقة صوص كمان مرة وهكذا لحتى يخلص الخليط عندك
انا بحب اعملهم 3 طبقات ممممممممممم الذ



واخر شي نحط شرحات بندورة



وبعدين شرحات بصل



وبعدين نغطيها بالسلفر ونحطها بالفرن على نار هادي شي نص ساعة لحتى تتسبك منيح



وبعدين نشيلها ونشويها



ومتل اليونانين بناكلها مع لبن.............وصحن خضرة مقطع ما بشكي من اشي



وريتة صحة وهنا



وهاي طبختي طبختها وعسفرتكو قدمتها
صحة وهنا يارب[/center][/center]