موضوع: شرح برنامج Ghost-It للماسنجر الإثنين 3 أغسطس - 11:30
يا هلا و مرحبن بكم كل ابوكم يا شيخ ... عاش من شاف ذا الوجيه.. عندنا ذا البرنامج الجديد اللي بصراحه انا حبيته وظيفته باختصار انه يخلي لك الوندو اللي انت فاتحها لو تبي شفافه الا شوي يعني و انت متكي و فاتح لي ربعو ميه وندو حقت ماسنجر و عندك ناس غثيثين يعني يرد بس يعطيك كلمه مثل وجه زي " اهااا" و لا "اوكي" و لا "" و تخبر بما ان الواحد مشغول بالسوالف مايبي يغير وندو كامله عشان يشوف ذاك الادمي وش رد فالبرنامج ذا عطي الله تقوله شف ... ترى ذا الادمي هرجه مامنه سنع فانت يالبرنامج خل لي الوندو حقته شبه شفافه عشان و انا اسولف مع المهم اقدر اشوف وش قالي ذاك بدون ما اغير وندوات هذي فايده وحده انا شفتها و اللي عنده فوايد غير ينطلهن علينا
اسم البرنامج : Ghost-It لنك التحميل : Click here ya mal al3afya حجم البرنامج : تعنبه وش حليله 10.7 كيلو وش متطلباته الله يخسه : وندوز 2000 او اكس بي الترخيص : ببلاش ابشركم ;3 شرح البرنامج : لا حمدلله مافيه شرح واجد طالعوا تحت بس
اول شئ تفك الضغط باحد برامج فك الضغط همن تسوي ضغطتين على الملف اللي مسمينه Ghostit.exe بعدها طالع جنب الساعه تبي تلقى واحد على شكل شبح لا ترتاع هذا البرنامج اشتغل او بالاصح جاهز انك تامره.
الحين نقول انك فاتح 3 وندوات و تبي تخفي وحده منهم وش تسوي يا طويل العمر ... ابد ماعليك الا انك تضغط بالزر الايمن على صوره الشبح و تختار الكلمه اللي تقول "Ghost" بعدها تبي تشوف مؤشر الفاره حقك صار على شكل شبح ... تروح و تختار اي شئ تبي تخليه شفاف و تضغط عليه بالشبح حقك سواء كانت صفحه انترنت او وندو ماسنجر او اي وندو تبي و ممكن ال Task bar لو تبي و بكذا بيكون اللي انت ضغطت عليه صار شفيفيف ... و تشتغل على راحتك
طبعا ضمن الخيارات اللي تطلع لك يوم تضغط زر ايمن على الشبح شئ يقاله Un-Ghost هذا يا طويل العمر يشيل عنك الشفافيه اللي انت حطيتها يعني لو تضغط عليه بتشوف شبح لابس حزام امان احمر تروح و تضغط على اي وندو انت اخفيتها و يبي يروح الاخفاء
لو عندك ناس غثيثين واجدين بالماسنجر و حطيت على ثلاث اربع الدرايش اخفاء همن رحمتهم و تبي تشيل الاخفاء اضغط ايمن على الشبح اللي جنب الساعه و اختر Un-Ghost All هذا بيشيل الاخفاء عن كل اللي انت مخفيهم مره وحده بكبسه زر اسهل من مولينكس ;1
باقي شغله وحده ماغطيناها و هي لا ضغطت على الشبح بالزر الايمن فيه خيار اسمه Configure هذا اللي يخليك تغير الاعداداات ... اضغط عليه و يبي يطلع لك اللي الصوره اللي انا مرفقها في اخر الموضوع طبعا بشرح حسب الارقام اللي في الصوره :
1- هذا يا طويل العمر عشان تزيد وضوح او غمق الوندو اللي شغاله يعني اللي ماحطيت عليها اخفاء ... لانك من يوم تحط اخفاء على وندو تلقاه يخفف لك الوندوات الباقيه شوي عشان تقدر تشوف من وراها فانت لو تبيها تصير غامقه زود لاعلى شئ
2- هذا العكس ... هذا عشان يخفف لك زود الوندوات اللي انت قلت للبرنامج يخفيها يعني لو تبي تخفي وندو و تخليها من جد شفافه خفض على اقل شئ و لو تبي تزود وضوح وندو معينه لانها ميب واضحه زود النسبه
3- هذي يا طويل العمر عشان تخلي اي وندو شفافه تصير ميب شفافه يعني اختصار ... لو تحط الفاره على اي وندو مخفيه و تضغط على Ctrl + Alt + A راح تصير عاديه و انت تقدر تحط اي اختصار تبي
4- هذا حق الدلع و الغنج ... هماك الحين لا قلت له يخفي لك وندو هو يسوي نفسه حركات و يقوم يخفيها لك بالتدريج فهنا انت تقدر تخليه يسوي هالشئ و تختار سرعه الاختفاء (التدريج يعني) و تقدر تشيله مره وحده و تقوله انك منتب راعي دلع او علمه انك تمساح و هو بيفهم ;1
5- هذا الخيار يقول تبيني اعطي انذار اذا كنتا تبي تخفي ال Task Bar او سطح المكتب و لا لا؟ فانت و راحتك عاد
يا شيخ مانفع اكتب مواضيع قايل لكم .. اجل برنامج وش صغره و لا فيه شئ قلبته سواليف وش لو ابي اشرح شئ صدقي ;1 ...
Big Boss المشرف العام
موضوع: رد: شرح برنامج Ghost-It للماسنجر الثلاثاء 4 أغسطس - 11:15
موضوع: شرح برنامج Ghost-It للماسنجر 
الإثنين 3 أغسطس - 11:30
" و تخبر بما ان الواحد مشغول بالسوالف مايبي يغير وندو كامله عشان يشوف ذاك الادمي وش رد 
سواء كانت صفحه انترنت او وندو ماسنجر او اي وندو تبي و ممكن ال Task bar لو تبي 
